Katherine Takpannie: Every Now and Then I Get a Feeling

Opening reception
Friday, February 20, 7PM–11PM
Music by DJ Geronimo Inutiq (Ottawa), with food provided by First Fish (Toronto)
Free admission and cash bar

Closing reception
Saturday, April 4, 2PM–6PM
The artist will be in attendance, and light refreshments will be provided.
Free admission

—

Every Now and Then I Get a Feeling is the first major survey exhibition of Katherine Takpannie’s photography, bringing together key works spanning two decades of her practice, including her most recent series, Urban Inuk, produced entirely in Ottawa with members of the local Inuit community. 

Katherine Takpannie has emerged as a defining voice of her generation, working both behind and in front of the camera to assert authorship over representations of contemporary Inuit life. Moving between documentation and self-performance, her practice juxtaposes images of urban Inuit experience in the South with striking self-portraits and landscape photography made in the North. In these works, her body becomes a site of encounter—situated within, rather than set against, the land—foregrounding questions of belonging, embodiment and self-determination within the inherited and lived territories of her family and ancestors.

Drawing on Inuit knowledge systems, Takpannie references creation stories that predate colonization, in which living beings are believed to emerge from the niaquqtaak (hummocks) of the earth. These stories position women as inseparable from the land and as givers of life, from which emerges a responsibility to protect both women and the environment. In dialogue with this worldview, and in light of research demonstrating how the climate crisis exacerbates gender-based violence, Takpannie’s work calls for collective stewardship of the land—insisting that women be treated with the same care, respect and responsibility.

Throughout her artistic career, Takpannie has often interwoven her practice with activist projects that reflect these concerns, bringing attention to some of the most urgent social issues affecting Indigenous communities in Canada, including missing and murdered Indigenous women and the ongoing youth suicide crisis. Among these, the series Our Women and Girls Are Sacred (2016–2020) stands out: in several photographs, Takpannie ignites flares of red smoke in natural settings, creating private, ephemeral monuments to missing and murdered women, including her friend and major artistic influence, the late Inuk artist Annie Pootoogook. In another work, a photograph of Takpannie’s brother, set against a gritty urban landscape, captures a moment that is at once hopeful and forward-looking. In light of his death by suicide in 2020, the title of the 2017 work, Return if Possible, takes on especially poignant resonance. 

In the SAW project room, the exhibition includes the feature documentary Inuuvunga – I Am Inuk, I Am Alive, featuring documentary footage created by Nunavik teenagers, who come of age within a rapidly changing cultural landscape. The film, produced by the National Film Board of Canada in 2004, echoes many of the themes explored throughout Katherine Takpannie’s survey exhibition. In the SAW North Lobby, SAW Nordic Lab presents eight self-portraits by artists participating in the NEXT Emerging Indigenous Makers Program, created under the mentorship of Michael Peterson, who teaches screenprinting to NEXT participants, and Paris-based photo muralist Hugues Anhès, who completed an artist residency at SAW in fall 2025 as part of the SAW Art + Protest Initiative.

As Ottawa continues to establish itself as a major centre for Indigenous art and culture, Katherine Takpannie has emerged among a celebrated group of contemporary Indigenous photographers, including Meryl McMaster, Barry Pottle, Jeff Thomas and Rosalie Favell. Every Now and Then I Get a Feeling offers a timely opportunity to encounter Takpannie’s distinctive body of work. Through her photography, she seeks to shift perspectives, foster empathy and influence societal change, moving visitors from passive viewing toward active engagement.

Jason St-Laurent, Curator

—

Artist biography

Katherine Takpannie is an urban Inuk photographer born in Montreal, with family roots in Nunavut and enduring ties to its land and community. She is an alumna of the Nunavut Sivuniksavut program in Ottawa, where she studied the Nunavut Agreement and its implementation, political science, research methodologies, Inuit–government relations, contemporary issues, Inuit history and the Inuktitut language.

Through her photographic practice, Takpannie foregrounds Inuit worldviews, asserting an image-making approach grounded in social accountability, relationality and community. Photography functions for her as both a critical and personal tool—one through which she reclaims identity and reflects on lived experience as an urban Inuk navigating multiple geographies.

Takpannie’s work has been exhibited nationally and published widely. Recent exhibitions include presentations at the National Gallery of Canada; the Biennale d’art contemporain autochtone (BACA); the Art Gallery of Guelph; Peel Art Gallery, Museum and Archives (PAMA); and the Olga Korper Gallery in Toronto. Her work is held in public and municipal collections, including the City of Ottawa Art Collection. Her photographs have appeared in Inuit Art Quarterly, Canadian Geographic and Canadian Wildlife. In 2020, she was awarded the Scotiabank New Generation Photography Award by the National Gallery of Canada, which also holds her work in its permanent collection.

About the Nordic Lab

The Nordic Lab is an initiative of SAW in partnership with the Canada Council for the Arts. A research and production space for artists from circumpolar nations, the Nordic Lab is an integral part of SAW's 15,000-square-foot centre in downtown Ottawa. In addition to programs in Ottawa, the Nordic Lab forges collaborations and promotes exchanges between Canada’s Indigenous and non-Indigenous communities in the North and South and partners in Scandinavia and other circumpolar nations.

—

Funders: Ottawa Community Foundation, Canada Council for the Arts, Government of Canada, Ontario Arts Council, Government of Ontario, City of Ottawa

Partners: Embassy of France in Canada, Olga Korper Gallery, National Film Board of Canada

—

Katherine Takpannie: Every Now and Then I Get a Feeling
(ᑲᑐᕆᓐ ᑕᒃᐹᓂ: ᖃᖓᐅᓕᕋᐃᒻᒪᑦ ᐃᑉᐱᒍᓱᓐᓂᖃᓲᖑᔪᖓ)
ᕖᕝᕗᐊᕆ 20ᒥᑦ ᐊᐃᕐᕆᓕ 4, 2026ᒧᑦ
ᐊᐅᓚᑦᑎᔨ: ᔭᐃᓴᓐ ᓴᐃᓐᑦ−ᓚᕋᓐᑦ (ᐋᑐᐋ)

—

ᐱᒋᐊᕈᑎ ᑐᙵᓴᐃᓂᖅ
ᑕᓪᓕᒪᓐᓄᒥ, ᕖᕝᕗᐊᕆ 20, 7-ᒥᑦ–11-ᒧᑦ ᐅᓐᓄᒃᑯᑦ
ᓂᓪᓕᐊᑎᑦᑎᓗᓂ ᓂᓕᐊᑎᑦᑎᔨ ᔪᕋᓂᒧ ᐃᓅᑎᖅ (ᐋᑐᐋ), ᓂᕿᖃᕐᓗᑎᒃ First Fish (ᑐᕌᓐᑐ)
ᐊᑭᖃᖏᑦᑐᖅ ᐃᓯᕈᑖ, ᐊᑭᓕᖕᓄᓪᓗ ᐃᒥᐊᓗᐃᑦ.

ᒪᑐᔭᐅᓕᖅᑎᓪᓗᒍ ᑐᙵᓱᒃᑎᑦᑎᓂᖅ
ᓯᕙᑖᕐᕕᒃ, ᐄᑉᐳ 4, 2-ᒥᑦ 6-ᒧᑦ ᐅᓪᓗᕐᐸᑦ
ᓴᓇᙳᐊᖅᑎ ᐃᓚᐅᓛᖅᑐᖅ, ᑕᒧᐊᒐᒃᓴᖅᑕᖃᓛᖅᖢᓂᓗ.
ᐊᑭᖃᖏᑦᑐᖅ ᐃᓯᕈᑖ.

—

Every Now and Then I Get a Feeling (ᖃᖓᐅᓕᕋᐃᒻᒪᑦ ᐃᑉᐱᒍᓱᓐᓂᖃᓲᖑᔪᖓ) ᓯᕗᓪᓕᖅᐹᖑᔪᖅ ᐊᖏᔪᒧᑦ ᖃᐅᔨᓴᖅᑐᒧᑦ ᑕᑯᒃᓴᐅᑎᑦᑎᔪᖅ ᑲᑐᕆᓐ ᑕᒃᐹᓂᐅᑉ ᐊᔾᔨᓕᐊᖏᓐᓂᒃ, ᑲᑎᑎᖦᖢᒋᑦ ᐊᑑᑎᖃᑎᐊᖅᑐᑦ ᐱᓕᕆᔭᖏᑦ ᐊᕐᕌᒍᑦ 20 ᐃᓗᐊᓂ ᐱᓕᕆᔭᒥᓂ, ᐱᖃᓯᐅᖦᖢᒋᑦ ᐱᓕᕆᕋᑖᖅᑕᖏᑦ ᑭᖑᓕᕇᑦ, Urban Inuk (ᐃᓄᒋᐊᒃᑐᕐᒥᐅᖅ ᐃᓄᒃ), ᓴᓇᔭᐅᔪᖅ ᐋᑐᐋᒦᓐᓇᖅ ᓄᓇᓖᑦ ᐃᓅᖃᑎᒌᖏᓐᓂᑦ.

ᑲᑐᕆᓐ ᑕᒃᐹᓂ: ᓴᖅᑭᓯᒪᕗᖅ ᑐᑭᓯᓇᖅᑎᑦᑎᓪᓗᓂ ᓇᓕᒧᒥᓂ, ᐱᓕᕆᓪᓗᓂ ᑕᒪᒃᑮᖕᓂ ᐊᔾᔨᓕᐅᕆᓪᓗᓂ ᐊᔾᔨᓕᐅᖅᑕᐅᓪᓗᓂᓗ ᑎᑎᕋᖅᑎᐅᓂᐊᕋᒥ ᑭᒡᒐᖅᑐᖅᑕᓄᑦ ᐅᓪᓗᒥᐅᔪᖅ ᐃᓄᐃᑦ ᐃᓅᓯᖏᓐᓄᑦ. ᐅᑎᖅᑕᖅᖢᓂ ᐅᓂᒃᑳᓕᐅᕐᓂᕐᒥᑦ ᐃᒻᒥᓂᒡᓗ ᖁᙵᖅᑕᐅᓂᕐᒧᑦ, ᐱᓕᕆᔾᔪᓯᖓ ᓴᓂᓕᕇᓂᒃ ᐊᔾᔨᒌᖏᑦᑐᓂᒃ ᓴᖅᑭᔮᖅᑎᑦᑎᕗᖅ ᐊᔾᔨᓂᒃ ᐃᓄᐃᑦ ᐊᑐᖅᓯᒪᔭᖏᓐᓂᒃ ᖃᓪᓗᓈᓂ ᑕᑯᒥᓇᓪᓚᒃᑐᓂᒃ ᐃᒻᒥᓐᒃ ᐊᔾᔨᑎᒍᑦ ᓄᓇᓂᒡᓗ ᐊᔾᔨᓕᐊᓂᒃ ᐅᑭᐅᖅᑕᖅᑐᒥ ᓴᓇᔭᓂᑦ. ᑖᒃᑯᓇᓂ ᓴᓇᓯᒪᔾᔾᓂ, ᑎᒥᐊ ᐃᓂᐅᓕᖅᐳᖅ ᑲᑎᑦᑐᓄᑦ – ᐃᓗᐊᓃᖦᖢᓂ, ᓄᓇᒥᒃ ᓴᖅᑭᔮᖅᑎᑦᑎᓇᓂ-ᓴᖅᑭᔮᓛᑦ ᐊᐱᖅᑯᑏᑦ ᐃᓚᐅᓂᕐᓄᑦ, ᑎᒥᓕᐅᕐᓂᕐᓄᑦ ᐃᒻᒥᓄᓪᓗ ᖃᓄᖅᑑᕐᓂᕐᓄᑦ ᐃᓗᐊᓂ ᓄᓇᒋᓕᖅᑕᒥᓂ ᓄᓇᒋᓯᒪᔭᕐᒥᓂᓗ ᐊᕕᒃᓯᒪᔪᓂ ᐃᓚᒌᖕᑕ ᓯᕗᕚᖏᑕᓗ.

ᐊᑐᖅᖢᓂ ᐃᓄᐃᑦ ᖃᐅᔨᒪᔭᓄᑦ ᐃᓕᖅᑯᓯᓄᑦ, ᑕᒃᐹᓂ ᐅᖃᐅᓯᖃᖅᐳᖅ ᓴᓇᔭᐅᓕᓵᕐᓂᕐᓄᑦ ᐅᓂᒃᑳᓂᒃ ᖃᐅᔨᒪᔭᐅᔪᓄᑦ ᖃᓪᓗᓈᓂᑦ ᓄᓇᐃᖅᑕᐅᖏᓐᓂᑦᑎᓐᓂᑦ, ᐅᒃᐱᕈᓱᒃᖢᑎᒃ ᐆᒪᔪᑦ ᓴᖅᑭᓐᓇᓱᒋᔭᐅᓪᓪᓗᑎᒃ ᓂᐊᖁᖁᑖᓂᑦ ᓄᓇᒥᑦ. ᑖᒃᑯᐊ ᐅᓂᒃᑲᑦ ᐃᓂᖃᖅᑎᑦᑎᕗᑦ ᐊᕐᓇᓂᒃ ᐊᕕᒐᒃᓴᐅᓇᑎᒃ ᓄᓇᓂᑦ ᐃᓅᓯᖅᑖᖅᑎᑦᑎᔨᐅᓪᓗᑎᒡᓗ, ᑕᕝᕙᙵᑦ ᐱᓕᕋᐃᒃᓴᖃᓕᖅᖢᓂ ᓴᐳᑎᓗᒋᑦ ᑕᒪᒃᑮᑦ ᐊᕐᓇᑦ ᐊᕙᑎᓪᓗ. ᐅᖃᖃᑏᖕᓂᕐᓂ ᑕᐃᒪᓐᓇ ᓄᓇᕐᔪᐊᕐᒥᒃ ᐃᓱᒪᔪᒥᑦ, ᖃᐅᔨᔭᓄᓪᓗ ᖃᐅᔨᓴᖅᑐᓂᑦ ᓴᖅᑭᔮᖅᑎᑦᑎᔪᓂᑦ ᖃᓄᖅ ᓯᓚᓄᑦ ᐊᒃᓱᕈᕐᓂᖅ ᐱᓕᖅᑎᑦᑎᒃᑲᓐᓂᕐᒪᑦ ᐊᕐᓇᓄᑦ ᐋᓐᓂᖅᓯᕆᓂᕐᓂᒃ, ᑕᒃᐹᓂᐅᑉ ᐱᓕᕆᓯᒪᔭᖏᑦ ᑎᓕᐅᕆᕗᑦ ᑲᑐᔾᔨᓗᑕ ᐸᖅᑭᔨᐅᓂᑦᑎᓐᓄᑦ ᓄᓇᓄᑦ-ᐱᖁᔨᓪᓚᑦᑖᖅᖢᓂᓗ ᐊᕐᓇᐃᑦ ᑕᐃᒪᓐᓇᑦᑕᐅᖅ ᐸᖅᑭᔭᐅᑎᒋᓗᑎᒃ, ᐃᒃᐱᒋᔭᐅᓗᑎᒃ ᐱᓕᕆᐊᒃᓴᑎᑐᓪᓗ.

ᐊᔾᔨᓕᐅᕆᔨᐅᓂᕐᒥᓂ, ᑕᒃᐹᓂ ᐃᓚᓕᐅᔾᔨᒐᔪᒃᑐᖅ ᐱᓕᕆᔭᒥᓂᒃ ᐊᓯᓄᑦ ᐃᑲᔪᖅᑐᓄᑦ ᐱᓕᕆᔪᓄᑦ ᓴᖅᑭᔮᖅᑎᑦᑎᔪᓄᑦ ᑖᒃᑯᓂᖓ ᐃᓱᒫᓘᑎᓂᒃ, ᐃᓱᒪᒋᔭᐅᓕᖅᑎᖦᖢᒋᑦ ᐃᓚᖏᓐᓄᑦ ᑐᐊᕕᕐᓇᓛᓄᑦ ᐃᓅᖃᑎᒌᓄᑦ ᐊᑲᐅᙱᓕᐅᕈᑎᓄᑦ ᐊᒃᑐᐃᔪᓂᒃ ᓄᓇᖃᖅᑳᖅᑐᓂᒃ ᓄᓇᓕᖕᓂᒃ ᑲᓇᑕᒥ, ᐱᖃᓯᐅᖦᖢᒋᑦ ᐊᓯᐅᔪᑦ ᑐᖁᑕᐅᔪᓪᓗ ᓄᓇᖃᖅᑳᖅᑐᑦ ᐊᕐᓇᐃᑦ ᑲᔪᓰᓐᓇᖅᑐᕐᓗ ᒪᒃᑯᒃᑐᑦ ᐃᒻᒥᓃᖃᑦᑕᕐᓂᖏᓐᓄᑦ ᐊᒃᓱᕈᕐᓇᕐᔪᐊᖅ. ᑖᒃᑯᓇᓂ, ᑭᖑᓕᕇᑦ Our Women and Girls Are Sacred (ᐊᕐᓇᕗᑦ ᓂᕕᐊᖅᓵᕗᓪᓗ ᑲᑉᐱᐊᓱᖕᒪᑕ) (2016–2020) ᐅᔾᔨᕐᓇᓛᖑᕗᖅ: ᖃᔅᓯᑲᓪᓚᓂ ᐊᔾᔨᓂ, ᑕᒃᐹᓂ ᐃᑭᑦᑎᕗᖅ ᖃᐅᒪᓂᒃ ᐊᐅᐸᖅᑐᒥᒃ ᐳᔪᓕᖕᓂᒃ ᓄᓇᑐᐃᓐᓇᕐᓂ, ᓴᓇᓪᓗᓂ

ᐃᒻᒥᓅᖓᔪᓂᒃ, ᐳᔫᖅᑰᔨᔪᓂᒃ ᓇᓗᐊᐃᒃᑯᑕᓂᒃ ᐊᓯᐅᔪᓄᑦ ᑐᖁᑕᐅᔪᓄᓪᓗ ᓄᓇᖃᖅᑳᖅᑐᓄᑦ ᐊᕐᓇᓄᑦ, ᐱᖃᓯᐅᖦᖢᒍ ᐱᖃᑎᖓ ᐃᓕᕝᕕᒋᓯᒪᓪᓚᒃᑕᒥᓂᓪᓗ ᐱᓕᕆᔭᒥᓄᑦ, ᐃᓅᔪᓐᓃᖅᑐᖅ ᐋᓂ ᐳᑐᒍᖅ. ᐊᓯᓂ ᐱᓕᕆᔭᒥᓂ, ᐊᔾᔨᙳᐊᖅ ᑕᒃᐹᓂᐅᑉ ᐊᓂᖓᓂᒃ, ᐊᔾᔨᓕᐅᖅᑕᐅᓪᓗᓂ ᑲᔾᔮᕐᓇᖏᑦᑐᓂ ᐃᓄᒋᐊᒃᑐᓂ ᓄᓇᓂ, ᐊᔾᔨᓕᐅᖅᓯᕗᖅ ᖃᖓᒥᒃ ᐊᑕᐅᑦᑎᒃᑯᑦ ᓂᕆᐅᒃᑐᒥᒃ ᓯᕗᒧᓪᓗ ᑕᐅᑐᒃᑐᒥᒃ. ᐃᒻᒥᓃᕐᓂᖓᓄᑦ 2020ᒥ, ᐊᑎᖓ 2017ᒥ ᓴᓇᔭᖓᑕ, Return If Possible (ᐅᑎᕆᑦ ᐊᔪᕐᓇᖏᑉᐸᑦ), ᐃᒃᐱᖕᓇᓗᐊᓕᖅᐳᖅ.

SAW ᐱᓕᕐᕝᕕᖕᒥ, ᑕᑯᒃᓴᐅᔪᑦ ᐱᖃᓯᐅᔾᔨᕗᑦ ᐅᓂᒃᑳᖅᑐᒥᒃ Inuuvunga – I Am Inuk, I Am Alive (ᐃᓅᕗᖓ – ᐃᓅᔪᖓ, ᐆᒪᔪᖓ), ᐱᖃᓯᐅᔾᔨᓪᓗᑎᒃ ᐅᓂᒃᑳᖅᑐᓂᑦ ᑕᕐᕆᔭᓕᐊᓂᑦ ᓴᓇᔭᓄᑦ ᓄᓇᕕᖕᒥᑦ ᒪᒃᑯᒃᑐᓂᑦ, ᐃᓐᓇᕈᖅᑐᓄᑦ ᐊᓯᔾᔨᖅᐸᓪᓕᐊᓪᓚᒃᑐᒥ ᐃᓕᖅᑯᓯᑐᖃᒃᑯᑦ ᐊᑐᖅᑐᓂ. ᑕᕐᕆᔭᖅ, ᓴᓇᔭᖅ ᑲᓇᑕᒥ ᑕᕆᔭᓄᑦ ᑲᑎᒪᔨᖏᑕ ᑲᓇᑕᒥᒃᑯᓐᓄᑦ 2004ᒥ, ᐅᖃᐅᓯᖃᕆᕗᑦ ᐅᓄᖅᑐᓂᒃ ᐅᖃᐅᓯᐅᔪᓂᒃ ᑕᑯᓇᒃᑕᓄᑦ ᐃᓗᐊᓂᓕᒫᖅ ᑲᑐᕆᓐ ᑕᒃᐹᓂᐅᑉ ᖃᐅᔨᓴᖅᑐᒧᑦ ᓴᖅᑭᔮᑎᑕᒥᓂ. SAW ᐅᐊᖕᓇᒥ ᐅᑕᖅᑭᕕᐊᓂ, SAW ᓴᓇᙳᐊᑏᑦ ᐅᑭᐅᕐᑕᑐᒥ ᐃᑳᕐᕕᖓᒃᑯᑦ ᓴᖅᑭᔮᖅᑎᑦᑎᕗᑦ ᐃᒻᒥᓂᒃ ᐊᔾᔨᓕᐅᖅᑕᓂᒃ ᐊᔾᔨᓕᐅᕆᔨᓂᑦ ᐃᓚᐅᔪᓄᑦ ᑭᖑᓪᓕᕐᒧᑦ

ᓴᖅᑭᓕᖅᑐᓄᑦ ᓄᓇᖃᖅᑳᖅᑐᓄᑦ ᓴᓇᔨᓄᑦ ᐱᓕᕆᔪᓄᑦ, ᓴᓇᔭᖅ ᖃᐅᔨᒻᔭᑎᖃᖅᑐᓄᑦ ᓴᓇᙳᐊᑏᑦ ᐅᑭᐅᕐᑕᑐᒥ ᐃᑳᕐᕕᖓᒃᑯᓐᓂᑦ ᑕᕐᕆᔭᓄᑦ ᑎᑎᕋᕐᓂᕐᓄᑦ ᐱᓕᕆᕝᕕᖕᒧᑦ ᑐᑭᒧᐊᒃᑎᑦᑎᔨᖓᓂᒃ ᒪᐃᑯ ᐱᑐᓴᓐ ᐸᕆᔅᒥᓗ ᑐᙵᔪᒧᑦ ᐊᔾᔨᓂᑦ ᑭᓱᙳᐊᓕᐅᓲᕐᒧᑦ ᕼᐅᒡᔅ ᐊᓐᕼᐃᔅ, ᐱᔭᕇᖅᓯᓚᐅᖅᑐᖅ ᑭᓱᓕᐅᕐᓂᕐᓄᑦ ᐃᓕᓐᓂᐊᖅᑕᒥᓂᒃ SAWᒥ ᐅᑭᐊᖓᓂ 2025 ᐃᓚᒋᓪᓗᒍ SAW ᓴᓇᐅᒐᓄᑦ ᐊᑲᐅᒃᓴᖏᑦᑐᓄᓪᓗ ᐱᒋᐊᕈᑎᒧᑦ.

ᐋᑐᐋ ᐋᖅᑭᒃᐸᓪᓕᐊᖏᓐᓇᖅᑎᓪᓗᒍ ᐃᒻᒥᓂᒃ ᐱᓕᕆᕝᕕᓪᓗᐊᑕᖅᑎᑐᑦ ᓄᓇᖃᖅᑳᖅᑐᓂᑦ ᓴᓇᐅᒐᓄᑦ ᐃᓕᖅᑯᓯᑐᖃᕐᓄᓪᓗ, ᑲᑐᕆᓐ ᑕᒃᐹᓂ ᓴᖅᑭᓯᒪᕗᖅ ᖁᕕᐊᒋᔭᐅᔪᓄᑦ ᐅᓪᓗᒥᓯᐅᑎᓄᑦ ᓄᓇᖃᖅᑳᖅᑐᓄᑦ ᐊᔾᔨᓕᐅᕆᔪᓂᑦ, ᐱᖃᓯᐅᖦᖢᒍ ᒥᐅᕈᓪ ᒪᒃᒪᔅᑐ, ᐱᐊᕆ ᐳᑦᓪ, ᔨᐊᕝ ᑕᒪᔅ ᕈᓴᓕ ᕙᕕᐊᓪᓗ. Every Now and Then I Get a Feeling (ᖃᖓᐅᓕᕋᐃᒻᒪᑦ ᐃᑉᐱᒍᓱᓐᓂᖃᓲᖑᔪᖓ) ᐱᕕᐅᕗᖅ ᓈᒻᒪᓈᖅᑐᒧᑦ ᖃᐅᔨᓗᒋᑦ ᑕᒃᐹᓂᐅᑉ ᐅᔾᔨᕐᓇᖅᑐᑦ ᐱᓕᕆᓯᒪᔭᖏᑦ. ᐊᔾᔨᓗᖅᑕᒥᒍᑦ, ᐃᓱᒪᒋᔭᐅᔪᓂᒃ ᐊᓯᔾᔩᓇᓱᒃᑐᖅ, ᐱᕈᖅᓴᐃᓗᓂ ᐊᓯᒥᓄᑦ ᐃᒃᐱᒍᓱᖕᓂᕐᓂᒃ ᐊᒃᑐᐃᓗᓂᓗ ᐃᓅᖃᑎᒌᓄᑦ ᐊᓯᔾᔨᕐᓂᕐᒥᒃ, ᓅᑎᖦᖢᒋᑦ ᑕᑯᔭᖅᑐᖅᑐᑦ ᑕᐅᑐᑐᐃᓐᓇᕐᓂᕐᒥᑦ ᑲᑎᖃᑕᐅᓂᕐᓄᑦ.

ᔭᐃᓴᓐ ᓴᐃᓐᑦ−ᓚᕋᓐᑦ, ᐊᐅᓚᑦᑎᔨ

—

ᐊᔾᔨᓕᐅᕆᔨᐅᑉ ᐊᑐᓚᐅᖅᑕᖏᑦ

ᑲᑐᕆᓐ ᑕᒃᐹᓂ ᐃᓄᒋᐊᒃᑐᒥᐅᑕᖅ ᐃᓅᔪᖅ ᒪᓐᑐᕆᐊᓪᒥ, ᐃᓚᖏᑦ ᓄᓇᕘᒥᐅᖑᓪᓗᑎᒃ ᑲᔪᓰᓐᓇᖅᑐᓂᒡᓗ ᐊᒃᑐᐊᓂᖃᖅᖢᓂ ᓄᓇᓄᑦ ᓄᓇᖅᑲᑎᒌᓄᓪᓗ. ᐃᓱᓕᑦᑎᓯᒪᔪᖅ ᓄᓇᕗᑦ ᓯᕗᓂᒃᓴᕗᑦᒧᑦ ᐃᓕᓐᓂᐊᖅᑕᒥᓂᒃ ᐋᑐᐋᒥ, ᐃᓕᓴᓪᓗᓂ ᓄᓇᕘᑖᕈᑎᒥᒃ ᐊᑐᓕᖅᑎᑕᐅᓂᖓᓂᒡᓗ, ᒐᕙᒪᓕᕆᓂᕐᓄᑦ ᖃᐅᔨᓴᕐᓂᕐᓂᒃ, ᖃᐅᔨᓴᕈᓯᕐᓂᒃ, ᐃᓄᖕᓄᑦ-ᒐᕙᒪᓄᑦ ᐱᓕᕆᖃᑎᒌᖕᓃᑦ, ᐅᓪᓗᒥᓯᐅᑎᓄᑦ ᐊᑲᐅᙱᓕᐅᕈᑎᓄᑦ, ᐃᓄᐃᑦ ᐊᑐᖅᓯᒪᔭᖏᑦ ᐃᓄᒃᑎᑐᓪᓗ ᐅᖃᐅᓯᓂᒃ.

ᐊᔾᔨᓕᐅᕆᔾᔪᓯᕐᒥᓄᑦ, ᑕᒃᐹᓂ ᓴᖅᑭᔮᖅᑎᑦᑎᕗᖅ ᐃᓄᐃᑦ ᓄᓇᕐᔪᐊᕐᒥᐅᓂᒃ ᐃᓱᒪᓂᖏᓐᓂᒃ, ᓴᖅᑭᔮᖅᑎᑦᑎᑦᑎᐊᖅᖢᓂ ᐊᔾᔨᓄᑦ ᑐᙵᔪᒥᒃ ᐱᓕᕆᔾᔪᓯᕐᒥᒃ ᑐᙵᔪᓄᑦ ᐃᓅᖃᑎᒌᓄᑦ ᓵᑕᐅᔪᓐᓇᕐᓂᕐᓄᑦ, ᐃᓚᒌᖃᑎᒌᖕᓂᕐᓄᑦ ᓄᓇᖅᑲᑎᓄᓪᓗ. ᐊᔾᔨᓕᐅᕆᖃᑦᑕᕐᓂᖅ ᐊᑑᑎᖃᖅᑐᖅ ᐃᒻᒥᓄᑦ ᐊᒃᓱᕈᕐᓂᖅᓴᐅᖁᔨᔪᒥᒃ ᐃᒻᒥᓅᖅᑐᒥᒡᓗ ᓴᓇᕐᕈᑎᑎᑐᑦ—ᐅᑎᖅᑎᑦᑎᔾᔪᑎᒋᓗᓪᓗᒍ ᑭᓇᐅᓂᕐᒥᓂᒃ ᐃᓱᒪᒋᓪᓗᒋᓪᓗ ᐃᓅᓯᕐᒥᓂ ᐊᑐᖅᓯᒪᔭᓂ ᐃᓄᒋᐊᒃᑐᓂ ᐃᓅᓪᓗᓂ ᓇᒧᕈᓘᔭᖅ ᓄᓇᒧᐊᖅᐸᒃᖢᓂ.

ᑕᒃᐹᓂᐅᑉ ᐱᓕᕆᓯᒪᔭᖏᑦ ᓴᖅᑭᔮᖅᑎᑕᐅᓯᒪᕗᑦ ᑲᓇᑕᒥ ᓇᓂᕈᓘᔭᕐᓗ ᐅᖃᓕᒫᒐᓃᑉᐸᒃᖢᓂ. ᖃᖓᑦᑎᐊᕐᒥ ᓴᖅᑭᔮᖅᑎᑕᖏᑦ ᑲᓇᑕᒥ ᐊᔾᔨᓕᙳᐊᖃᕐᕕᖕᒥ ᑲᓐᑕᒥ, ᐱᐊᓇᐃᓪ ᓄᓇᖃᖅᑳᖅᓯᒪᔪᑦ ᒫᓐᓇᓕᓴᕐᓂᒃ ᓴᓇᙳᐊᒐᕐᓂᒃ (BACA); ᓴᓇᐅᒐᓄᑦ ᑕᑯᓇᒡᕕᒃ ᒍᐃᓪᕝᒥ; ᐲᓪ ᓴᓇᐅᒐᓄᑦ ᑕᑯᓇᒡᕕᒃ, ᐱᑐᖃᖃᕐᕕᒃ ᑐᖅᑯᖅᓯᒪᔪᓪᓗ (PAMA); ᐅᓪᒐ ᑯᐊᐳ ᑕᑯᓇᒡᕕᒡᓗ ᑐᕌᓐᑐᒥ. ᐱᓕᕆᓯᒪᔭᖏᑦ ᐃᓄᓕᒫᓄᑦ ᓄᓇᓕᖕᓄᓪᓗ ᑲᑎᓯᒪᔭᖏᓐᓃᑦᑐᑦ, ᐱᖃᓯᐅᖦᖢᒋᑦ ᓄᓇᓕᐸᐅᔭᖓᑕ ᐋᑐᐋᑉ ᓴᓇᐅᒐᓄᑦ ᑲᑎᖅᓱᖅᓯᒪᔪᓂ. ᐊᔾᔨᓕᐊᖏᑦ ᓴᖅᑭᔮᖅᓯᒪᔪᑦ ᐃᓄᐃᑦ ᐊᕐᑦ ᑯᐊᑐᓕᒥ, ᑲᓇᑕᒥ ᓄᓇᓄᑦ ᑲᓇᑕᒥᓗ ᐆᒪᔪᓄᑦ. 2020ᒥ, ᐃᓕᓴᕆᔭᐅᓚᐅᖅᑐᖅ ᔅᑯᓯᐊ

ᑮᓇᐅᔭᒃᑯᕕᐅᑉ ᑭᖑᕚᖑᓕᓵᖅᑐᓄᑦ ᐊᔾᔨᓕᐅᕆᔨᓄᑦ ᐃᓕᓴᕆᔭᐅᔾᔪᑎᒧᑦ ᑲᓇᑕᒥ ᐊᔾᔨᓕᐅᒐᓄᑦ ᑕᑯᓇᒡᕕᖕᒥᑦ ᑲᓇᑕᒥ, ᐱᓯᒪᓪᓗᑎᒃ ᐱᓕᕆᓯᒪᔭᕐᒥᓂᒃ ᐱᓯᒪᐃᓐᓇᕐᓂᐊᖅᑕᒥᓄᑦ ᑲᑎᓯᒪᔪᓄᑦ.

ᓴᓇᙳᐊᑏᑦ ᐅᑭᐅᕐᑕᑐᒥ ᐃᑳᕐᕕᖓᒃᑯᑦ ᒥᒃᓵᓄᑦ

ᓴᓇᙳᐊᑏᑦ ᐅᑭᐅᕐᑕᑐᒥ ᐃᑳᕐᕕᖓᒃᑯᑦ ᐱᒋᐊᕈᑕᐅᔪᖅ SAWᑯᓐᓄᑦ ᐱᓕᕆᖃᑎᒋᓪᓗᒋᑦ ᑲᓇᑕᒥ ᑲᑎᒪᔨᖏᑦ ᓴᓇᐅᒐᓄᑦ. ᖃᐅᔨᓴᕐᓂᕐᓄᑦ ᑕᕐᕆᔭᓕᐅᕐᓂᕐᓄᓪᓗ ᐃᓂ ᑭᓱᓕᐅᖅᑎᓄᑦ ᐅᑭᐅᖅᑕᖅᑐᒥᐅᓂᑦ ᒐᕙᒪᓂᑦ, ᓴᓇᙳᐊᑏᑦ ᐅᑭᐅᕐᑕᑐᒥ ᐃᑳᕐᕕᖓᒃᑯᑦ ᑐᙵᕕᐅᑦᑎᐊᖅᐳᖅ SAWᒃᑯᑦ 15,000 ᐃᓯᒐᓄᑦ ᐃᒡᓗᐊᓂ ᐋᑐᐋᑉ ᕿᑎᐊᓂ. ᓱᓕᒃᑲᓐᓂᖅ ᐱᓕᕆᔪᓄᑦ ᐋᑐᐋᒥ, ᓴᓇᙳᐊᑏᑦ ᐅᑭᐅᕐᑕᑐᒥ ᐃᑳᕐᕕᖓᒃᑯᑦ ᓴᓇᓲᖑᕗᑦ ᑲᑐᔾᔨᓂᕐᓂᒃ ᐱᕈᖅᓴᐃᓪᓗᑎᒡᓗ ᑕᐅᖅᓰᓂᕐᓂᒃ ᑲᓇᑕᒥ ᓄᓇᖃᖅᑳᖅᑐᓂᑦ ᓄᓇᖅᑳᖏᑦᑐᓂᓪᓗ ᓄᓇᖅᑲᑎᒌᓂ. ᐅᐊᖕᓇᒥ ᓂᒋᕐᒥᓗ ᐱᓕᕆᖃᑎᓄᓪᓗ ᔅᑲᓐᑎᓇᐃᕕᐊᒥ ᐊᓯᓂᓗ ᐅᑭᐅᖅᑕᖅᑐᓂ ᒐᕙᒪᓂ.

—

ᑮᓇᐅᔭᖃᖅᑎᑦᑎᔪᑦ: ᐋᑐᐋᒥ ᓄᓇᓕᖕᓄᑦ ᑐᙵᕕᒃ, ᑲᓇᑕᐅᑉ ᑲᑎᒪᔨᖏᑦ ᓴᓇᐅᒐᓄᑦ, ᒐᕙᒪᖓᑦ ᑲᓇᑕᐅᑉ, ᐅᓐᑕᕆᐅᑉ ᑲᑎᒪᔨᖏᑦ ᓴᓇᐅᒐᓄᑦ, ᒐᕙᒪᖓ ᐅᓐᑕᕆᐅᑉ, ᓄᓇᓕᐸᐅᔭᖓ ᐋᑐᐋᑉ

ᐱᓕᕆᖃᑏᑦ: ᒐᕙᒪᖃᕐᕕᖓ ᕗᕋᓐᔅ ᑲᓇᑕᒥ, ᐅᓪᒐ ᑯᐊᐳ ᑕᑯᔭᖃᕐᕕᒃ, ᒐᕙᒪᓄᑦ ᑕᕐᕆᔭᓄᑦ ᑲᑎᒪᔩᑦ ᑲᓇᑕᒥ

—

Katherine Takpannie: Every Now and Then I Get a Feeling
(Katurin Takpaani: Qangauliraimmat Ippigusunniqasuungujunga)
Viivvuari 20mit Airrili 4, 2026mut
Aulattiji: Jaisan Saint-Larant (Aatuaa)

—

Pigiaruti tunngasainiq
Tallimannguami, Viivvuari 20, 7-miit–11-mut unnuksakkut
Nilliatittiluni DJ Geronimo Inuutiq (Aatuaa), niqiqarlutik First Fish (Turaantu)
Akiqangittuq isirutaa, akilingnullu imialuit.

Matujauliqtillugu tunngasuktittiniq
Sivataarvimi, Airrili 4, 2-miit–6-mut ulluqpat
Sanannguaqti ilaulaaqtuq, tamuagaksaqtaqalaaqłunilu.
Akiqangittuq isirutaa.

—

Every Now and Then I Get a Feeling (Qangauliraimmat Ippigusunniqasuungujunga) sivulliqpaangujuq angijumut qaujisaqtumut takuksautittijuq Katurin Takpaaniup ajjilianginnik, katitiłługit atuutiqatiaqtut pilirijangit arraagut 20 iluani pilirijamini, piqasiułługit pilirirataaqtangit kinguliriit, Urban Inuk (Inugiakturmiuq Inuk), sanajaujuq Aatuaamiinnaq nunaliit inuuqatigiinginnit.

Katurin Takpaani: saqqisimavuq tukisinaqtittilluni nalimumini, pilirilluni tamakkiingni ajjiliurilluni ajjiliuqtaullunilu titiraqtiuniarami kiggaqtuqtanut ullumiujuq Inuit inuusinginnut. Utiqtaqłuni unikkaaliurnirmit imminiglu qunngaqtaunirmut, pilirijjusinga saniliriinik ajjigiingittunik saqqijaaqtittivuq ajjinik Inuit atuqsimajanginnik Qallunaani takuminallaktunik immink ajjitigut nunaniglu ajjilianik Ukiuqtaqtumi sanajanit. Taakkunani sanasimajjni, timia iniuliqpuq katittunut – iluaniiłłuni, nunamik saqqijaaqtittinani-saqqijaalaat apiqqutiit ilaunirnut, timiliurnirnut imminullu qanuqtuurnirnut iluani nunagiliqtamini nunagisimajarminilu aviksimajuni ilagiingta sivuvaangitalu.

Atuqłuni Inuit qaujimajanut iliqqusinut, Takpaani uqausiqaqpuq sanajaulisaarnirnut unikkaanik qaujimajaujunut qallunaanit nunaiqtaunginnittinnit, ukpirusukłutik uumajut saqqinnasugijaulllutik niaququtaanit nunamit. Taakkua unikkat iniqaqtittivut arnanik avigaksaunatik nunanit inuusiqtaaqtittijiullutiglu, tavvanngat piliraiksaqaliqłuni saputilugit tamakkiit arnat avatillu. Uqaqatiingnirni taimanna nunarjuarmik isumajumit, qaujijanullu qaujisaqtunit saqqijaaqtittijunit qanuq silanut aksururniq piliqtittikkannirmat arnanut aanniqsirinirnik, Takpaaniup pilirisimajangit tiliurivut katujjiluta paqqijiunittinnut nunanut-piqujillattaaqłunilu arnait taimannattauq paqqijautigilutik, ikpigijaulutik piliriaksatitullu.

Ajjiliurijiunirmini, Takpaani ilaliujjigajuktuq pilirijaminik asinut ikajuqtunut pilirijunut saqqijaaqtittijunut taakkuninga isumaaluutinik, isumagijauliqtiłługit ilanginnut tuavirnalaanut inuuqatigiinut akaunngiliurutinut aktuijunik Nunaqaqqaaqtunik nunalingnik Kanatami, piqasiułługit asiujut tuqutaujullu nunaqaqqaaqtut arnait kajusiinnaqturlu makkuktut imminiiqattarninginnut aksururnarjuaq. Taakkunani, kinguliriit Our Women and Girls Are Sacred (Arnavut Niviaqsaavullu Kappiasungmata) (2016–2020) ujjirnalaanguvuq: qassikallani ajjini, Takpaani ikittivuq qaumanik aupaqtumik pujulingnik nunatuinnarni, sanalluni imminuungajunik, pujuuqquujijunik naluaikkutanik asiujunut tuqutaujunullu nunaqaqqaaqtunut arnanut, piqasiułługu piqatinga ilivvigisimallaktaminillu pilirijaminut, inuujunniiqtuq Aani Putuguq. Asini pilirijamini, ajjinnguaq Takpaaniup aninganik, ajjiliuqtaulluni kajjaarnangittuni inugiaktuni nunani, ajjiliuqsivuq qangamik atauttikkut niriuktumik sivumullu tautuktumik. Imminiirninganut 2020mi, atinga 2017mi sanajangata, Return if Possible (Utirit Ajurnangippat), ikpingnalualiqpuq.

SAW pilirvvingmi, takuksaujut piqasiujjivut unikkaaqtumik Inuuvunga – I Am Inuk, I Am Alive (Inuuvunga – Inuujunga, Uumajunga), piqasiujjillutik unikkaaqtunit tarrijalianit sanajanut Nunavingmit makkuktunit, innaruqtunut asijjiqpalliallaktumi iliqqusituqakkut atuqtuni. Tarrijaq, sanajaq Kanatami Tarijanut Katimajingita Kanatamikkunnut 2004-mi, uqausiqarivut unuqtunik uqausiujunik takunaktanut iluanilimaaq Katurin Takpaaniup qaujisaqtumut saqqijaatitamini. SAW Uangnami Utaqqiviani, SAW Sanannguatiit Ukiurtatumi Ikaarvingakkut saqqijaaqtittivut imminik ajjiliuqtanik ajjiliurijinit ilaujunut KINGULLIRMUT Saqqiliqtunut Nunaqaqqaaqtunut Sanajinut Pilirijunut, sanajaq qaujimjatiqaqtunut Sanannguatiit Ukiurtatumi Ikaarvingakkunnit tarrijanut titirarnirnut pilirivvingmut Tukimuaktittijinganik Maiku Pitusan Parismilu tunngajumut ajjinit kisunngualiusuurmut ᕼugs Anhis, pijariiqsilauqtuq kisuliurnirnut ilinniaqtaminik SAW-mi ukiangani 2025 ilagillugu SAW Sanauganut Akauksangittunullu Pigiarutimut.

Aatuaa aaqqikpallianginnaqtillugu imminik pilirivvilluataqtitut Nunaqaqqaaqtunit sanauganut iliqqusituqarnullu, Katurin Takpaani saqqisimavuq quviagijaujunut ullumisiutinut Nunaqaqqaaqtunut ajjiliurijunit, piqasiułługu Miurul Makmastu, Piari Putl, Jiav Tamas Rusali Vaviallu. Every Now and Then I Get a Feeling (Qangauliraimmat Ippigusunniqasuungujunga) piviuvuq naammanaaqtumut qaujilugit Takpaaniup ujjirnaqtut pilirisimajangit. Ajjiluqtamigut, isumagijaujunik asijjiinasuktuq, piruqsailuni asiminut ikpigusungnirnik aktuilunilu inuuqatigiinut asijjirnirmik, nuutiłługit takujaqtuqtut taututuinnarnirmit katiqataunirnut.

Jaisan Saint-Larant, Aulattiji

—

Ajjiliurijiup atulauqtangit

Katurin Takpaani inugiaktumiutaq Inuujuq Manturialmi, ilangit Nunavuumiungullutik kajusiinnaqtuniglu aktuaniqaqłuni nunanut Nunaqqatigiinullu. Isulittisimajuq Nunavut Sivuniksavutmut ilinniaqtaminik Aatuaami, ilisalluni Nunavuutaarutimik Atuliqtitauninganiglu, gavamalirinirnut qaujisarnirnik, qaujisarusirnik, inungnut-gavamanut piliriqatigiingniit, ullumisiutinut akaunngiliurutinut, inuit atuqsimajangit Inuktitullu uqausinik.

Ajjiliurijjusirminut, Takpaani saqqijaaqtittivuq Inuit nunarjuarmiunik isumaninginnik, saqqijaaqtittittiaqłuni ajjinut tunngajumik pilirijjusirmik tunngajunut inuuqatigiinut saataujunnarnirnut, ilagiiqatigiingnirnut nunaqqatinullu. Ajjiliuriqattarniq atuutiqaqtuq imminut aksururniqsauqujijumik imminuuqtumiglu sanarrutititut—utiqtittijjutigilullugu kinaunirminik isumagillugillu inuusirmini atuqsimajani inugiaktuni Inuulluni namuruluujaq nunamuaqpakłuni.

Takpaaniup pilirisimajangit saqqijaaqtitausimavut Kanatami naniruluujarlu uqalimaaganiippakłuni. Qangattiarmi Saqqijaaqtitangit Kanatami Ajjilinnguaqarvingmi Kantami, Pianail Nunaqaqkaaqsimajut Maannalisarnik Sanannguagarnik (BACA); Sanauganut Takunagvik Guilvmi; Piil Sanauganut Takunagvik, Pituqaqarvik Tuqquqsimajullu (PAMA); Ulga Kuapu Takunagviglu Turaantumi. Pilirisimajangit inulimaanut nunalingnullu katisimajanginniittut, piqasiułługit Nunalipaujangata Aatuaap Sanauganut Katiqsuqsimajuni. Ajjiliangit saqqijaaqsimajut Inuit Art Kuatulimi, Kanatami Nunanut Kanatamilu Uumajunut. 2020-mi, ilisarijaulauqtuq Skusia Kiinaujakkuviup Kinguvaangulisaaqtunut Ajjiliurijinut Ilisarijaujjutimut Kanatami ajjiliuganut takunagvingmit kanatami, pisimallutik pilirisimajarminik pisimainnarniaqtaminut katisimajunut.

Sanannguatiit Ukiurtatumi Ikaarvingakkut Miksaanut

Sanannguatiit Ukiurtatumi Ikaarvingakkut pigiarutaujuq SAW-kunnut piliriqatigillugit Kanatami Katimajingit Sanauganut. Qaujisarnirnut tarrijaliurnirnullu ini kisuliuqtinut ukiuqtaqtumiunit gavamanit, Sanannguatiit Ukiurtatumi Ikaarvingakkut tunngaviuttiaqpuq SAW-kkut 15,000 isiganut igluani Aatuaap qitiani. Sulikkanniq pilirijunut Aatuaami, Sanannguatiit Ukiurtatumi Ikaarvingakkut sanasuunguvut katujjinirnik piruqsaillutiglu tauqsiinirnik Kanatami Nunaqaqqaaqtunit Nunaqqaangittunillu nunaqqatigiini. Uangnami Nigirmilu piliriqatinullu Skantinaiviami asinilu ukiuqtaqtuni gavamani.

—

Kiinaujaqaqtittijut: Aatuaami Nunalingnut Tunngavik, Kanataup Katimajingit Sanauganut, Gavamangat Kanataup, Uantaariup Sanauganut Katimajingit, Gavamanga Uantaariup, Nunalipaujanga Aatuaap

Piliriqatiit: Gavamaqarvinga Vurans Kanatami, Ulga Kuapu Takujaqarvik, Gavamanut Tarrijanut Katimajiit Kanatami